Eina lausnin að auka á kreppuna

Úrræðaleysi VG virðist vera algjört.  Það eina sem þeim kemur til hugar er að auka á skattheimtu þeirra sem munu koma þjóðinni úr kreppunni.  Launþegar með 500þ. -1500þ. eru sennilega dýrmætustu þegnarnir á Íslandi í dag.  Þessi hópur er líklegur til að standa í skilum á afborgunum sínum og þjóðfélagið bíður að þessi hópur fari að eyða peningum og komi hjólum efnahagslífsins af stað.  En nú kemur Steingrímur til sögunnar og dettur það eitt í hug að þyngja á heimilum þessa fólks.  Allar líkur eru á að þá verði algjört hrun á greiðsluvanda heimilanna.  Fjárvandi ríkisins er mikill en ástandið er viðkvæmt - brothætt.  Svona hugmyndir eru eins og eitur sem miðar að drepa það síðasta sem er á lífi.  Nær væri að reyna að komast hjá ice-save skuldinni.  Aðgerðir stjórnvalda á að miðast við að létta greiðslubyrðinni af heimilunum.  Ástandið er ekki heimilunum að kenna.  Tími hátekjuskatts er liðinn tækifærið var í uppsveiflunni en ekki nú.

3% skattur á 500 þúsund

Athugasemdir

[Ásta B (IP-tala skráð) 23.3.2009 kl. 15:27]

Ég skil ekki alveg röksemdafærslu þína.

Fer það ekki alveg eftir því hversu mikið einstaklingurinn skuldar hversu líklegt er að hann geti staðið í skilum? Þar koma heildartekjur málinu ekkert við.

[Héðinn Björnsson, 23.3.2009 kl. 16:26]

Þetta eru afleiðingarnar af tillögu VG: 

Laun    Auka skattur vegna tillögu VG
200.000    0
300.000    0
400.000    0
500.000    0
600.000    3.000
700.000    6.000
800.000    14.000
900.000    22.000
1.000.000    30.000
2.000.000    110.000
5.000.000    350.000
10.000.000    750.000

[Fannar frá Rifi, 23.3.2009 kl. 16:56]

"Þar er gert ráð fyrir 3% skatt tekjur einstaklinga yfir 500 þúsund krónur og hjóna sem hafa yfir 1 milljón á mánuð og 5% álag til viðbótar á tekjur yfir 700 þúsund krónur á mánuði hjá einstaklingum og 1400 þúsund krónur hjá hjónum"

Héðinn lestu þetta. það er bara viðbótar álag á tekjur yfir 700 þúsund. þannig að það er núverandi skattur +3% +5% af 100 þúsundum krónum hjá þeim sem hafa 800 þúsund krónur í mánaðar laun.

en það er 3% skattahækkun á öll laun hjá þeim sem fara ú 499 þúsund í 500 þúsund á mánuði. 

en já þetta er það sem okkur vantar. að allir sjómenn í landinu verði skattpíndir. já takk fyrir þessa kjaraskerðingu handa sjómönnum Steingrímur og VG.