Hátekjuskattur verði lán

Mikil fjárþörf ríkisins hefur vakið upp hugmyndir manna um hátekjuskatt.  Einn óréttlátasta skatt sem um getur.  Eins og hugmyndirnar hafa verið settar fram - hátekjuskatt yfir 500þ. og svo koll af kolli að 1400þ. Þeir íslendingar sem hafa slík laun bera ekki ábyrgð á því óefni sem ríkisfjármálin eru komin í (þá sérstaklega icesave skuldbindingarnar).  Ríkið er jafnfram að leita að hagstæðum lánum til að fjármagna sig.  Er það óréttlátt ef hátekjuskatturinn yrði í formi láns.  Þeir saklausu íslendingar sem greiða hærra hlutfall tekjuskatts fengu því skattinn endurgreiddan með vöxtum - á sömu kjörum og aðrið lánadrottnar ríkissjóðs að aflokinni endurreisn?

Skattaákvarðanir um mitt árið

Athugasemdir

[nonni (IP-tala skráð) 1.4.2009 kl. 11:04]

hef heyrt margt vitlausara yfir æfina en efa að þetta sér framkvæmanlegt

[Freyr (IP-tala skráð) 1.4.2009 kl. 11:09]

TÝPÍSKT fyrir þetta lið að ákveða þetta EFTIR kosningar!  Það á greinilega ekki að leyfa þjóðinni að ráða því.  Maður getur þó verið viss um að skattar hækka ekki ef Sjálfstæðisflokkurinn kemst til valda!  Þeir geta þó lofað því.

[Kristinn (IP-tala skráð) 1.4.2009 kl. 11:13]

Tek undir með Freyr, alveg dæmigert að geyma þetta fram yfir kosningar.

Fyrst það er búið að ákveða að ganga þessa braut er langsamlega heiðarlegast að koma með mótaðar tillögur fyrir kosningar þannig að almenningur viti um hvað er verið að kjósa!

[Björn (IP-tala skráð) 1.4.2009 kl. 11:13]

Þetta er nú ein besta hugmynd sem ég hef séð lengi Steinarr. 

Ég held að það sé mikill misskilningur að halda því fram að Sjálfstæðisflokkurinn muni ekki hækka skatta, þeir hafa aldrei sagt það, það eina sem þeir segja er að þeir vilja ekki bæta við nýjum sköttum sem ég hjartanlega sammála þér um Freyr. Það sem er náttúrulega forgangsatriði sem bæði VG og Sf virðast ekki sjá er að það þarf að skapa störf og það nóg af þeim til þess að fólk geti yfir höfuð byrjað að borga skatta.

[Héðinn Björnsson, 1.4.2009 kl. 11:17]

Valið er milli þess að hækka skatta eða reka fólk. Fólk með tekjur yfir 500 þúsund ræður betur við að láta af hendi rakna 5-25 þúsund á mánuði en leikskólakennari ræður við að fara af 250 þúsund niður á 150 þúsund í atvinnuleysisbætur. 

@Freyr: Það er eðlilegt að leyfa þjóðinni að ráða hvaða leið verði farin. Sjálfstæðisflokkurinn vill leysa hallan með hreinum niðurskurði og tilheyrandi fjöldauppsögnum hjá ríkinu meðan vinstriflokkarnir vilja fara blandaða leið niðurskurðar og skattahækkanna og reyna þannig að komast hjá fækkun starfsfólks. Það hefði ekki verið lýðræðislegt að ákveða skattahækkun rétt fyrir kosningar heldur verða vinstriflokkarnir að sækja umboð til þeirra hjá þjóðinni. Ef þú villt frekar hreinan niðurskurð hefurðu færi á að ganga hreint til verks með sjálfstæðisflokknum.

[TARA, 1.4.2009 kl. 11:43]

Ég sé ekki að það muni svo mjög miklu hvort þú ert með 250 eða 500 þúsund í laun....eftir skatta og skyldur er ekki mikill munur á útborguðum launum. Og svo má ekki gleyma því að sá sem er með hærri laun, vinnur kanski helmingi meira en leikskólakennarinn !!

Hins vegar væri dálítið annað að leggja skatt á þá sem hafa meira en 500 þúsund útborgað. Það væri sanngjarnt. Og þessi leið er betir en hreinn niðurskurður...

Undir öllum kringumstæðum hlýtur að vera betra að sem flestir hafi vinnu og því er Sjálfstæðisflokkurinn ekki góð kosning.

[Freyr (IP-tala skráð) 1.4.2009 kl. 11:47]

Heilbrigðisráðherra var með útspil um daginn, einskonar leikþátt, þar sem hann hafnaði ráðherralaunum.  Hann þiggur þó einkabílstjóra og glæsibifreið, allskonar kostnað, aukagreiðslur og nefndarsetulaun og finnst hann vera eins og Gandi gagnvart almúganum.  Er þetta það sem koma skal?  Ef bíllinn væri seldur og einkabílstjóarnum sagt upp, mætti ráða a.m.k. 5 starfsmenn á spítalann.  Hvernig væri að setja fókusinn á rétta hluti?

Sjálfstæðisflokkurinn hefur þvert á móti lofað 20.000 störfum.  Og jú, þeir hafa sagt að þeir muni ekki fara í skattahækkanir!  Það er bara svo einfalt!  Munurinn liggur í því að Sjálfstæðisflokkurinn vill stóriðju, stórframkvæmdir o.fl. til að sporna gegn atvinnuleysi og fá hjólin af stað.  Vinstri öflin vilja láta þá sem hæstar hafa tekjurnar greiða meira til þeirra sem ekki hafa vinnu eða minna hafa á milli handanna. Menn verða að hafa í huga að þeir efnameiri munu nú annaðhvort flytja tekjur til eða greiða laun á öðrum forsendum til að komast hjá svona ofurskattlagningu.  Þetta hefur alltaf gerst erlendis og mun svo sannarlega gerast hér.  

[Andri Geir Arinbjarnarson, 1.4.2009 kl. 21:30]

Aðalatriðið er að stækka skattstofninn sem aðeins gerist með því að skapa ný störf, en til þess þarf fjármagn.  Skattahækkanir og niðurskurður er óhjákvæmilegur en þessi leið sem þú bendir á er ekki svo galin viðbót eins konar skyldusparnaður hátekjufólks.  Skattaumræðan nú stendur aðeins um  hátekjuskatt og eignarskatt, þá skatta sem VG geta sætt sig best við.  Hinn skatturinn sem kemur í júní eftir kosningar sem alls ekki má nefna, er matarskattur.  Það er alveg ljóst að hækka verður neysluskatta og þar sem neyslan er að færast yfir í bensín og mat, er ekki um neitt annað að ræða en að hækka þessa skatta.  Líklegast er að vaskurinn verið lækkaður niður í 20-22% en settur á mat.  "Just you wait and see....."